Sampung pinaka-sikat na putahe sa Pilipinas. Ayon sa ilang mag-aaral ng New Era University:

Likas na sa mga Pilipino ang karanasan at kagalingan sa pagluto ng iba't-ibang putahe. Talagang matalino ang mga Pinoy pagdating sa larangan na ito. Kaya hindi mo din masisisi kung bakit kahit ang mga taga-ibang bansa ay tinatangkilik ang lutong pinoy. Ang pagkain at luto ng mga Pinoy ay talagang binabalik balikan, at halos lahat ng tumitikim nito ay hindi nagsisisi at talaga sila ay nasasarapan. Nakilala o nakikilala ang mga Pinoy sa pag gawa ng iba't-ibang putahe, talagang magaling mag-isip ang mga Pinoy. Kahit anong putahe ay talagang masarap. Kaya masaya maging isang Pinoy.

Inimpluwensiyahan ng mga Asyano, Europeo, Mehikano at mga Amerikano ang lutong Pinoy ngunit pinatunayan ng mga Pilipino na mas malawak ang kanila pag-iisip lalo na pagdating sa pagluluto kaya dahil dito ipinapakita sa lutong Pinoy ang kasaysayan ng ating bansa, ang Pilipinas. Nakaugalian na din ng mga Pinoy ang pagluluto at pag-iimbento ng iba't-ibang klase ng pagkain.

Dahil sa mga luto at putahe na mula sa bansang Pilipinas, ito ang ilan sa mga pinaka-sikat at talagang walang kupas na putahe na ginawa o inimbento ng mga Pilipino, ito ang sampung mga putahe na pinaka-sikat at pinaka-masarap ayon sa ibang mga estudyante ng New Era University:

1.) Sinampalukang Manok

Ito ay uri ng sabaw na madalas na inihahanda ng mga Pilipino sa kani-kanilang hapag kainan. Madalas itong niluluto lalo na kapag malamig ang klima.

Mga Sangkap:

1 buong manok, hiniwa ng parte-parte

5 pirasong bawang

1 maliit na bawang

1 kutsarang luya

1 malaking kamatis

1/4 cup ng patis

3 cup ng tubig

1 maliit na pakete ng tamarind powder o sinigang mix

1 bungkos ng kangkong

4 na kutsarang mantika ayon sa panlasa asin at paminta iba pang gulay ayon sa nais (optional)

Paraan ng Pagluluto:

1. 45 na minuto

2. Gisahin sa mainit na mantika ang sibuyas at bawang. Kapag transparent na ang bawang, ihalo ang luya, tapos kamatis, at durugin ito.

3. Ihalo ang manok at prituhin sa ginisang sangkap. Hayaan ng 5 minuto, tapos idagdag at patis. Hayaan manuot ang lasa ng patis ng 3 minuto.

4. Idagdag ang tubig at tamarind powder. Hayaang kumulo ng 30 minutes o hanggang sa malambot na ang manok.

5. Idagdag ang gulay (ayon sa pinakamatagal maluto gaya ng gabi o labanos, hanggang sa pinakamabilis gaya ng kangkong) at hayaang maluto.

2.) Kare-kare

Nagmula ito sa bayan ng sentro sa pagluluto, ang Pampanga. Ang pangalawa ito ay inihahanda sa marangyang piging ng mga Moro na nanirahan sa Manila bago pa man dumating ang mga Espanyol.

Mga Sangkap:

1 1/2 tasang buntot ng baka, hiniwa ayon sa gustong laki

1 1/2 tasang tuwalya ng baka, hiniwa ayon sa gustong laki

1 kustsaritang asin

6 tasang puso ng saging, hiniwang pahilis, 1/2 pulgadang haba

3 tasang talong, hiniwang pahilis, 1 pulgadang haba

1 tasang sitaw, 1 pulgadang haba

3/4 tasang peanut butter

1 supot kare-kare mix

1/2 tasa bagoong alamang

Paraang ng Pagluluto:

1. Palambutin ang buntot at tuwalya ng baka sa 1 tasang asin. Palambutin. Magtabi ng 3 tasa ng sabaw.

2. Unahing idagdag ang puso ng saging. Kapag medyo luto na ay isunod ang talong. Ihuli ang sitaw. Pakuluan ang mga gulay hanggan maluto.

3. Timplahan ng kare-kare mix. Haluing mabuti.

4. Idagdag ang peanut butter at pakuluan ng 2 minuto hanggan lumapot.

5. Ihain kasama ang ginisang bagoong na alamang

3.) Kalderetang Baka

Pinangalanan na caldereta ito dahil ito ay nanggaling sa salitang espanyol na caldera na ang ibig sabihin sa tagalog ay kaldero. Ang ulam na ito ay katulad ng nilagang karne mula sa Iberian peninsula. Dinala ito ng mga espanyol sa pilipinas sa panahon ng kanilang 300-taong pananakop ng Pilipinas. Ihinahain ang kaldereta tuwing may espesyal na okasyon o pagdiriwang. Hindi lamang baka ang puwedeng gamitin na karne kundi pati manok o baboy.

Mga Sangkap:

2 kutsarang mantika

1 tasang patatas, hiniwang pakuwadrado

6 tasang baka, hiniwa ayon sa gustong laki

1 tasang tubig

1 paketeng caldereta sauce

1 pirasong siling pula, hiniwang pahaba

1/2 tasa gisantes

Paraang ng Pagluluto:

1. Magpainit ng mantika. Iprito ang patatas at itabi.

2. Iprito ang baka at papulain. Dagdagan ng tubig at pakuluin hanggan lumambot.

3. Idagdag and caldereta sauce, piniritong patatas at sling pula. Haluin hanggan lumambot ang mga gulay.

4. Idagdag ang gisantes bago hanguin.

4.) Tinolang Manok

Mahirap tantiyahin kung kailan ang tiyak na petsa noong inimbento ang tinola. Una ito naibanggit sa unang nobela ni Jose Rizal na Noli Me Tangere. Inihain ni Kapitan Tiago kay Crisostomo Ibarra ang tinola ng siya'y nakarating sa pilipinas mula sa europa. Naibigay sa kaniya ang masarap na parte ng manok. Nang makuha ito ni Crisostomo Ibarra ay hindi natuwa si Padre Damaso dahil ang nakuha niya ay ang leeg ng manok  lamang.

Mga Sangkap:

3 librang pitso ng manok, hiniwa ayon sa gustong laki

2 kutsarang mantika

2 kutsarang luya, hinwang pahaba

1 ulo ng bawang, dinikdik

1 katamtaman sibuyas, hiniwa

2 kutsarang patis

1 kutsarang asin

5 tasang tubig

2 tasang hilaw na papaya, hiniwang pakuwadrado

Paraan ng Pagluluto:

1. Magpakulo ng mantika sa isang kaserola sa katamtamang init, Igisa ang luya, bawang at sibuyas sa loob ng 1 minuto.

2. Idagdag ang manok at gisahin hanggang maging mamula-mula. Timplahan ng patis at asin.

3. Dagdagan ng tubig. Pakuluan ito sa mahina apoy at hayaang kumulo-kulo sa loob ng 30 minuto o hanggan lumambot ang manok

4. Idagdag ang papaya, iluto ng 5 minuto o hanggan lumambot ang papaya

5. Takpan ang kaserola at alisin sa apoy

5.) Bicol Express

Kilalang mga uragon o matatapang ang mga Bicolano, kaya naman ang hagsik ng anghang ng sili inihahalo nila sa kanilang mga iniluluto. Ang pangalan na Bikol Expressay hinango mula sa tren na tumatakbo mula Maynila patungong Bikol. Ito ang isa sa mga pinakakilalang pagkain na nagmula sa Bikol.

Ang Bikol ay kilala sa kanilang mga pagkain tulad ng pili na ginagawang suspiros, masapan, pastilyas at brittle, at mga putahe na ginataan at pinaanghang ng maliliit na siling labuyo na tulad ng Laing at Bikol Express.

Mga Sangkap:

gata ng niyog

bagoong

karne ng baboy o manok

maraming pulang siling labuyo.

Paraan ng Pagluluto:

1) Ibabad ang sili sa tubig na inasnan. Itabi nang 30 minuto at pagkatapos ay hugasang maigi. Patuluin.

2) Sa kawali, paghaluin ang gata, alamang, karne, bawang, sibuyas at asin. Pakuluin.

3) Hinaan ang apoy at isalang pa nang 10 minuto.

4) Idagdag ang sili at lutuin hanggang halos matuyo.

5) Ibuhos ang kakang gata at hayaang magmantika.

6.) PININYAHANG MANOK

Mga Sangkap:

1 kilo manok

1 lata ng Del Monte Pineapple Tidbits

2 Patatas na hinati sa apat

1 lata ng alaska evap

1 piraso ng bawang

1 sibuyas

Paminta at asin

2 kutsara ng asukal

1 kutsarang cornstarch

Paraan ng Pagluluto:

1. I-marinade ang manok sa asin, paminta at syrup ng pineapple tidbits. Itabi ang laman.

2. Sa isang kawali o non-stick pan, i-printo ng kaunti ang mga piraso ng manok. Hayaang pumula ng kaunti. Ilagay sa isang lalagyan

3. Sa isang kaserola, igisa ang bawang at sibuyas sa kaunting mantika

4. Ilagay ang piniritong manok at patatas. Ilagay ang pinagbabadan ng manok at kaunting tubig. Takpan hanggang sa maluto ang patatas.

5. Ilagay ang alaska evap at ang pineapple tidbits. Hayaang kumulo

6. Timpalahan ng asin, paminta at asukal ayon sa inyong panlasa

7. Lagyan ng tinunaw na cornstarch para lumapot ang sauce

8. Ihain habang mainit

 7.) LAING

Ang laing ay nanggaling sa lutong Bicol. Isa ang Laing sa pinaka-tangi-tanging ulam sa Bicol. At ginagawa din nila itong maanghang kagaya ng Bicol Express.

Mga Sangkap:

250 grams tuyong dahon ng Gabi 

1/2 kilo Pork kasim, hiniwa ng maliliit

2 tasa Kakang gata ng niyog

2 tasa Gata (Ikalawang piga)

5 pirasong Siling pang sigang

1 pirasong luya

1 sibuyas

1 bawang

asin at paminta

Paraan ng Pagluluto:

1. Sa isang kaserola igisa ang luya, bawang at sibuyas sa kaunting mantika. Halu-haluin

2. Ilagay ang baboy. Timplahan ng asin at paminta. Halu-haluin

3. Lagyan ng tubig na tama lang para mapalambot ang karne.

4. Kung malambot na ang karne, ilagay ang tuyong dahon ng gabi. Halu-haluin.

5. Ilagay ang ikalawang pigang gata at siling pang-sigang. Halu-haluin. Hayaang maluto ang dahon ng gabi.

6. Timplahan pa ng asin, paminta at maggie magic sarap ayon sa inyong panlasa.

7. Ilagay ang kakang gata. Halu-haluin at hayaang kumulo ng mga 2 minuto.

Ihain habang mainit.

8.) Paksiw na Lechon

Ang Paksiw na Lechon ay isa mga pinaka-paboritong inihahanda tuwing may handaan o salu-salo na nagaganap. Karaniwan itong niluluto ito tuwing kinabukasan kapag may natitira sa inihandang lechon.

Mga Sangkap:

1 kilo lechon na baboy

1 latang liver spread o mang tomas

1 tasang suka

1/2 tasang asukal

1 kutsarang asin

1 kutsarang pamintang buo

4 na ulo ng bawang, dinikdik

1/2 tasang tuyong oregano

1 tasang tubig

Paraan ng pagluto:

1. Ilagay ang hiniwang lechon na baboy sa isang kawali

at isama ang lahat ng sangkap.

2. Pakuluan

3. Hinaan ang apoy hanggang lumambot ang baboy

at lumapot ang sarsa.



9.) PANCIT PALABOK / LUGLOG

Ang Pansit Palabok na kilala din sa tawag na Pansit Luglug ay isa sa mga paboritong pagkaing pang merienda ng mga Pilipino. Ito ay gawa sa pansit luglog o rice noodles na may halong sarsa na gawa sa katas ng hipon na binudburan ng masasarap na sangkap yulad ng chicharon, hipon at itlog.

Ang salitang palabok ay nangangahulugang, samu't-sari kung kaya't ito ay tinawag na pansit palabok dahil sa iba't-ibang sangkap na kasama ng lutuing ito. Noong unang panahon, gumagamit ang mga tao ng sandok na butas-butas na gawa sa kawayan upang maibabad sa kumukulong tubig at patuyuin ang mga noodles na naging dahilan kung bakit ito ay tinawag na luglug, na ang ibig sabihin ay "hinugasan o binanliang tubig." Sa ngayon na moderno na ang mga kasangkapan, gumagamit na ang mga tao ng stainless steel strainer para makuha at mapatuyo ang mga noodles sa kumukulong tubig.

Mga Sangkap:

1 kilo Rice Noodles o Bihon na pang pancit luglog (ito yung medyo matataba ang noodles)

500 grams Giniling na Baboy

2 piraso Tokwa (mashed)

150 grams Hipon (alisin yung ulo at digdikin na pinong-pino. Yung katawan naman ay asinan at i-steam)

1 tasa Bread Crambs

1/2 tasa Achuete Oil

3 tasa Sabaw na pinaglagaan ng baboy o 2 piraso ng Knorr pork cubes

Patis 
1 ulo ng bawang

1 sibuyas

asin at paminta

Para sa toppings:

Chicharong baboy (dinurog)

Hipon

3 tasa Hinimay na Tinapa

5 piraso ng nilagang itlog

Dahoon ng sibuyas
Kinchay 

Paraan ng Pagluluto:

1. Ibabad muna ang bihon o rice noodles para lumambot. Ilubog ito sa kumukulong tubig hanggang sa maluto. I-drain ang excess na tubig. Set aside.

2. Sa isang sauce pan o kaserola, i-prito muna ang bawang hanggang sa mag-golden brown. Hanguin sa isang lalagyan.

3. Patuloy na igisa ang sibuyas. Ilagay na din ang mashed na tokwa, dinikdik na ulo ng hipon at giniling na baboy. Timplahan na din ng asin at paminta. Hayaan muna hanggang sa mawala ang pagka-pink na kulay ng giniling.

4. Ilagay na ang achuete oil at patis. Hayaang kumulo.

5. Ilagay na ang bread crambs para lumapot ang sauce at kalhati ng hinimay na tinapa. Maaring lagyan ng sabaw ng pinaglagaan ng karne kung kinakailangan pa.

6. Tikman ang sauce at i-adjust ang lasa.

7. Ibuhos ito sa nilutong bihon. Haluing mabuti hanggang sa ma-coat ang lahat ng noodles ng sauce.

8. Ilagay sa isang bilao at ilagay sa ibabaw ang mga toppings kagaya ng chicharon, hipon, toasted garlic, kinchay, onion leaves at hiniwang nilagang itlog.

Ihain na may kasamang patis at calamansi.

10.) BULALO

Ang nilaga ay isang lutuing Pilipino. Ang kasingkahulugan ng salitang nila ay pinakukuan. Sa paggawa ng nilaga, ang karne at mga gulay ay inilalagay sa kumukuong tubig at niluluto sa mahinang apoy. Walang lasa kadalasan ang sabaw maliban sa katas ng mga sangkap nito. Tinawag din itong kosido sapagkat isa itong uri ng pagkaing namana ng mga Pilipino mula sa mga Kastila. Ngunit kaiba sa kosido ang nilaga ng mga Pilipino ay walang pamamaraang paggigisa.   

Mga Sangkap:

2 kilo Beef Shank with bone marrow

2 sibuyas

250 grams repolyo

2 tale pechay tagalog

2 tangkay na leeks

2 piraso mais na hinati sa apat

2 piraso ng patatas na hinati sa apat

1 kutsaritang pamintang buo

asin

Paraan ng Pagluluto:

1. Sa isang malaking kaserola, ilagay ng baka at subuyas. Lagyan ng tubig, asin at pamintang buo.

2. Hayaang kumulo hanggang sa lumambot ang laman at litid ng baka. Alisin ang mga namuong dugo na lumulutang sa sabaw ng pinapakuluan.

3. Kung malapit ng lumambot ang karne, ilagay ang mais.

4. Kung luto na ang mais saka ilagay ang patatas.

5. Kung malapit namang maluto na ang patatas ay saka ilagay ang repolyo, pechay at leeks.

6. Timplahan pa ng asin at paminta kung kinakailangan.

Ihain habang mainit.

Iyan ang ilan sa mga putahe ng mga Pinoy. Nawa'y nagustuhan niyo at nakapulot kayo ng aral sa aming isinagawang BLOG na ito. Maraming salamat!

Pinagkuhanan ng ibang detalye at ng mga litrato:

www.google.com